*
चंद्रग्रहण…*
*
२७ जुलै रोजी दिसणार ब्लड मून...*
*____________________________*
*
२१ व्या शतकातील सर्वात मोठे चंद्रग्रहण येत्या
शुक्रवारी २७ जुलै रोजी दिसणार आहे.*
*
या चंद्रग्रहणाचा कालावधी १ तास ३४ मिनिटांचा असेल.*
*
या काळात चंद्र अतिशय सुंदर अशा लालसर रंगात दिसेल.*
*
चंद्रग्रहण हे सूर्यग्रहणाप्रमाणे डोळ्य़ांना
हानीकारक नसते, त्यामुळे
ते उघड्या डोळ्यांनी पाहता येणार आहे.*
*⛈पावसाने
या कालावधीत कृपा केल्यास २७ आणि २८ च्या रात्री पूर्ण चंद्रग्रहण दिसेल.*
*
विशेष म्हणजे यावेळी पृथ्वी, सूर्य आणि चंद्र यांच्या लपाछपीचा
खेळ देशाच्या बऱ्याचशा भागात पहायला मिळेल.*
*
खंडग्रास ग्रहण तासाभरापेक्षा जास्त काळ चालेल.*
*
२७ जुलैला खंडग्रास ग्रहण रात्री ११.५४ वाजता सुरू
होईल व खग्रास चंद्रग्रहण २८ जुलैला पहाटे १ वाजता सुरू होईल, पहाटे १.५२ वाजता चंद्र काळा
दिसेल.*
*
ती अवस्था पहाटे २.४३ पर्यंत राहील.*
*यानंतर
चंद्र खंडग्रास अवस्थेत पहाटे ३.४९ वाजता दिसेल.*
*
२७ जुलैला चंद्र पृथ्वीपासून काहीसा दूर जाणार
असल्याने तो वर्षातील सर्वात लहान पूर्ण चंद्र असेल.*
*
सुरुवातीला चंद्र काहीसा नारंगी नंतर रक्तवर्णी
तांबडा आणि मग करडा होऊन तो गडद होत जाईल.*
*
याआधीचे चंद्रग्रहण ३१ जानेवारीला झाले होते तर
पुढील चंद्रग्रहण २१ जानेवारीला होणार असल्याचे अभ्यासकांनी सांगितले आहे.*
*
जेव्हा पृथ्वी ही सूर्य व चंद्राच्या मध्ये येते, तेव्हा पृथ्वीची सावली चंद्रावर
पडल्याने चंद्रग्रहण दिसते.*
*
चंद्रग्रहण ही एक पूर्णत वैज्ञानिक खगोलीय घटना
आहे.*
*
चंद्रग्रहण साधारणपणे पौर्णिमेच्या आसपास दिसते.
चंद्रग्रहण प्रत्येक पौर्णिमेस लागत नाही.*
*
सुर्यप्रकाशामुळे पडणारी पृथ्वीची सावली प्रछाया व
उपछाया अशी दोन प्रकारची असते.*
*
आता शुक्रवारी होणारे चंद्रग्रहण भारताबरोबरच
अंटाक्र्टिका, ऑस्ट्रेलिया, रशियाचा काही भाग, संपूर्ण आशिया, आफ्रिका, युरोप, मध्य आणि दक्षिण अमेरिका येथून
दिसेल.*
No comments:
Post a Comment